ಭಾರತೀಯ ಯುದ್ಧ ವಿಮಾನಕ್ಕೆ ಸ್ವದೇಶಿ ಎಂಜಿನ್: ರಿಲಾಯನ್ಸ್ – ರೋಲ್ಸ್ ರಾಯ್ಸ್ ‘ಮಹಾ ಮೈತ್ರಿ’!

ಭಾರತೀಯ ವಾಯುಪಡೆಯ ಬಲವನ್ನು ಹೆಚ್ಚಿಸುವ ಹಾಗೂ ದೇಶದ ರಕ್ಷಣಾ ಕ್ಷೇತ್ರದಲ್ಲಿ ಸ್ವಾವಲಂಬನೆ ಸಾಧಿಸುವ ದಿಕ್ಕಿನಲ್ಲಿ ಅತ್ಯಂತ ಪ್ರಮುಖ ಮತ್ತು ಕ್ರಾಂತಿಕಾರಿ ಒಪ್ಪಂದವೊಂದು ರೂಪುಗೊಂಡಿದೆ. ಭಾರತದ ಪ್ರಮುಖ ಉದ್ಯಮ ಸಮೂಹವಾದ ರಿಲಾಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (RIL) ಮತ್ತು ಜಾಗತಿಕ ರಕ್ಷಣಾ ಹಾಗೂ ಏರೋಸ್ಪೇಸ್ ದೈತ್ಯ ಸಂಸ್ಥೆಯಾದ ರೋಲ್ಸ್ ರಾಯ್ಸ್ (Rolls-Royce) ಜಂಟಿಯಾಗಿ ಭಾರತದ ‘ಅಡ್ವಾನ್ಸ್ಡ್ ಮೀಡಿಯಂ ಕಾಂಬ್ಯಾಟ್ ಏರ್‌ಕ್ರಾಫ್ಟ್’ (AMCA) ಯೋಜನೆಗಾಗಿ ಸ್ವದೇಶಿ ಕಾಂಬ್ಯಾಟ್ ಎಂಜಿನ್ ಅಭಿವೃದ್ಧಿಪಡಿಸಲು ಕಾರ್ಯತಂತ್ರದ ಸಹಭಾಗಿತ್ವವನ್ನು ಘೋಷಿಸಿವೆ.

ಈ ಐತಿಹಾಸಿಕ ಒಪ್ಪಂದದ ಪ್ರಕಾರ, ಎರಡೂ ಸಂಸ್ಥೆಗಳು ಭಾರತದಲ್ಲಿಯೇ ಅತ್ಯಾಧುನಿಕ ವಿನ್ಯಾಸ, ಅಭಿವೃದ್ಧಿ, ಉತ್ಪಾದನೆ ಮತ್ತು ವಿತರಣಾ ಸಾಮರ್ಥ್ಯವನ್ನು ಹೊಂದಿರುವ ಸುಧಾರಿತ ಯುದ್ಧ ವಿಮಾನ ಎಂಜಿನ್ ನಿರ್ಮಿಸಲು ಮುಂದಾಗಿವೆ. ಇದು ಭಾರತೀಯ ರಕ್ಷಣಾ ತಂತ್ರಜ್ಞಾನದಲ್ಲಿ ಹೊಸ ಶಕೆಗೆ ನಾಂದಿ ಹಾಡಲಿದೆ.

ಏರೋಸ್ಪೇಸ್ ಗ್ಯಾಸ್ ಟರ್ಬೈನ್ ಕಾಂಪ್ಲೆಕ್ಸ್ ಸ್ಥಾಪನೆ

ಈ ಸಹಭಾಗಿತ್ವದ ಭಾಗವಾಗಿ, ರಿಲಾಯನ್ಸ್ ಮತ್ತು ರೋಲ್ಸ್ ರಾಯ್ಸ್ ಸಂಸ್ಥೆಗಳು ಭಾರತದಲ್ಲಿ ವಿಶೇಷವಾದ ‘ಏರೋಸ್ಪೇಸ್ ಗ್ಯಾಸ್ ಟರ್ಬೈನ್ ಕಾಂಪ್ಲೆಕ್ಸ್’ (Aerospace Gas Turbine Complex) ಸ್ಥಾಪಿಸಲು ಯೋಜಿಸಿವೆ. ಈ ಕಾಂಪ್ಲೆಕ್ಸ್ ಭಾರತದಲ್ಲಿ ಪ್ರೊಪಲ್ಷನ್ (ಚಾಲನ ಶಕ್ತಿ) ತಂತ್ರಜ್ಞಾನದ ಪ್ರಮುಖ ಕೇಂದ್ರವಾಗಿ ಶ್ರೇಷ್ಠತೆಯ ಶಕ್ತಿಪೀಠವಾಗಿ ಕಾರ್ಯನಿರ್ವಹಿಸಲಿದೆ.

ಜಾಗತಿಕ ಮಟ್ಟದ ಅತ್ಯುನ್ನತ ತಂತ್ರಜ್ಞಾನ ಮತ್ತು ಕೈಗಾರಿಕಾ ಕಾರ್ಯಗತಗೊಳಿಸುವ ಸಾಮರ್ಥ್ಯವನ್ನು ಒಂದೇ ವೇದಿಕೆಯಲ್ಲಿ ತರುವ ಮೂಲಕ, AMCA ಎಂಜಿನ್ ಅಭಿವೃದ್ಧಿಯಲ್ಲಿ ಜಂಟಿ ಪಾಲುದಾರಿಕೆಯು ಅತ್ಯಂತ ಬಲವಾದ ಅಡಿಪಾಯ ಹಾಕಲಿದೆ. ಭಾರತದ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ‘ಆತ್ಮನಿರ್ಭರ ಭಾರತ’ ಮತ್ತು ‘ವಿಕಸಿತ ಭಾರತ’ ಕಲ್ಪನೆಗೆ ಅನುಗುಣವಾಗಿ, ದೇಶೀಯವಾಗಿಯೇ ಸುಧಾರಿತ ಯುದ್ಧ ವಿಮಾನ ಎಂಜಿನ್ ನಿರ್ಮಿಸುವ ಕನಸಿಗೆ ಈ ಯೋಜನೆ ದೊಡ್ಡ ಬೆಂಬಲ ನೀಡಲಿದೆ.

ಪ್ರಮುಖ ನಾಯಕರ ಹೇಳಿಕೆಗಳು

ಅನಂತ್ ಅಂಬಾನಿ, ಎಕ್ಸಿಕ್ಯುಟಿವ್ ಡೈರೆಕ್ಟರ್, ರಿಲಾಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್:

“ಭಾರತದ ಆಯಕಟ್ಟಿನ ಸ್ವಾಯತ್ತತೆಗೆ ನಿರ್ಣಾಯಕ ತಂತ್ರಜ್ಞಾನಗಳಲ್ಲಿ ಸ್ವದೇಶಿ ಸಾಮರ್ಥ್ಯ ಅತ್ಯಗತ್ಯ. ರೋಲ್ಸ್ ರಾಯ್ಸ್ ಸಂಸ್ಥೆಯ ಸುಧಾರಿತ ಪ್ರೊಪಲ್ಷನ್ ರಂಗದ ಜಾಗತಿಕ ಪರಿಣತಿಯನ್ನು, ರಿಲಾಯನ್ಸ್‌ನ ತಂತ್ರಜ್ಞಾನ, ಉತ್ಪಾದನಾ ಬಲ, ಬೃಹತ್ ಪ್ರಮಾಣದ ಕಾರ್ಯಾಚರಣೆ ಮತ್ತು ವಿತರಣಾ ಸಾಮರ್ಥ್ಯದೊಂದಿಗೆ ಸಂಯೋಜಿಸುವುದು ನಮ್ಮ ಮುಖ್ಯ ಉದ್ದೇಶವಾಗಿದೆ. ಭಾರತದಲ್ಲಿ ಶಾಶ್ವತ ದೇಶೀಯ ಏರೋ-ಎಂಜಿನ್ ವ್ಯವಸ್ಥೆಯನ್ನು ನಿರ್ಮಿಸಿ, ದೇಶವನ್ನು ಸ್ವಾವಲಂಬಿಯನ್ನಾಗಿ ಮಾಡುವುದು ಮತ್ತು ಜಾಗತಿಕವಾಗಿ ಸ್ಪರ್ಧಾತ್ಮಕವಾಗಿಸುವುದು ನಮ್ಮ ಗುರಿಯಾಗಿದೆ.”

ತುಫಾನ್ ಎರ್ಗಿನ್‌ಬಿಲ್ಗಿಚ್ (Tufan Erginbilgic), ಸಿಇಒ, ರೋಲ್ಸ್ ರಾಯ್ಸ್ ಪಿಸಿ:

“ಸುಧಾರಿತ ಎಂಜಿನಿಯರಿಂಗ್ ರಂಗದಲ್ಲಿ ನಮ್ಮ ಶತಮಾನದ ಹೆಮ್ಮೆಯ ಪರಂಪರೆಯನ್ನು ಭಾರತದ ಕೈಗಾರಿಕಾ ಕ್ಷೇತ್ರದ ಪ್ರಮುಖ ನಾಯಕರಾದ ರಿಲಾಯನ್ಸ್ ಜತೆ ಸೇರಿಸಲು ನಮಗೆ ಸಂತೋಷವಾಗಿದೆ. ಭಾರತದಲ್ಲಿನ ನಮ್ಮ ಪ್ರಸ್ತುತ ಸಹಭಾಗಿತ್ವದೊಂದಿಗೆ, ಇದು ರಕ್ಷಣಾ ಮತ್ತು ಏರೋಸ್ಪೇಸ್ ಕ್ಷೇತ್ರದಲ್ಲಿ ಮತ್ತೊಂದು ಪ್ರಮುಖ ಮೈಲಿಗಲ್ಲಾಗಲಿದೆ.”

ದೇಶೀಯ ಸಾಮರ್ಥ್ಯ ಹಾಗೂ ಭವಿಷ್ಯದ ಅವಕಾಶಗಳು

ರೋಲ್ಸ್ ರಾಯ್ಸ್ ನಾಯಕ್ತ್ವ ಮತ್ತು ರಿಲಾಯನ್ಸ್‌ನ ಉತ್ಪಾದನಾ ಶಕ್ತಿಯ ಸಮ್ಮಿಲನದಿಂದ ರೂಪುಗೊಳ್ಳಲಿರುವ ಏರೋ ಗ್ಯಾಸ್ ಟರ್ಬೈನ್ ಕಾಂಪ್ಲೆಕ್ಸ್, ಎಂಜಿನ್ ವಿನ್ಯಾಸದಿಂದ ಹಿಡಿದು ಪರೀಕ್ಷೆ, ಉತ್ಪಾದನೆ ಮತ್ತು ನಿರ್ವಹಣೆಯವರೆಗೆ ಸಂಪೂರ್ಣ ಭಾರತೀಯ ಬಲವನ್ನು ನಿರ್ಮಿಸಲಿದೆ.

ಇದಲ್ಲದೆ, ಈ ಮೈತ್ರಿಯು ರಕ್ಷಣೆ, ನಾಗರಿಕ ಏರೋಸ್ಪೇಸ್ ಮತ್ತು ಹೊಸ ಪ್ರೊಪಲ್ಷನ್ ವ್ಯವಸ್ಥೆಗಳ ಕ್ಷೇತ್ರದಲ್ಲಿ ಇತರ ವಿಶಾಲವಾದ ಸಹಯೋಗಗಳಿಗೂ ಬಾಗಿಲು ತೆರೆಯಲಿದೆ. ಇದು ಭಾರತವನ್ನು ಜಾಗತಿಕ ಪ್ರೊಪಲ್ಷನ್ ತಂತ್ರಜ್ಞಾನದ ಅಗ್ರಗಣ್ಯ ನಾಯಕನನ್ನಾಗಿ ರೂಪಿಸಲು ಪ್ರಮುಖ ಪಾತ್ರ ವಹಿಸಲಿದೆ.

ಇತ್ತೀಚಿನ ಲೇಖನಕ್ಕಾಗಿ ಇಲ್ಲಿ ಕ್ಲಿಕ್ ಮಾಡಿ:

ಬೆಂಗಳೂರಿನಲ್ಲಿ ಆಗಸ್ಟ್ 15ರ ಸಂಭ್ರಮ: ‘ಫ್ರೀಡಂ ಹಬ್ಬ 2026’ಕ್ಕೆ ಅದ್ಧೂರಿ ಸಿದ್ಧತೆ; ಇಲ್ಲಿದೆ ಕಂಪ್ಲೀಟ್ ಗೈಡ್!

ನಾಸಾದ ಮಹತ್ವಾಕಾಂಕ್ಷೆಯ ‘ಮೂನ್ ಬೇಸ್’ ಯೋಜನೆಗೆ ಭಾರತದ ಇಸ್ರೋಗೆ ಅಧಿಕೃತ ಆಹ್ವಾನ.

ಬಾಹ್ಯಾಕಾಶ ಕ್ಷೇತ್ರದಲ್ಲಿ ಹೊಸ ಕ್ರಾಂತಿ: ಅಮೆರಿಕ-ಚೀನಾಗೆ ಸವಾಲೆಸೆದ ಭಾರತದ ‘ಎವರೆಸ್ಟ್’ ರಾಕೆಟ್ ಇಂಜಿನ್!