ಭಾರತೀಯ ನೌಕಾಸೇನೆ ನೇಮಕಾತಿ 2026: 10+2 ಬಿ.ಟೆಕ್ ಕೆಡೆಟ್ ಎಂಟ್ರಿ ಸ್ಕೀಮ್ ಪ್ರಕಟ; ದೇಶಸೇವೆಗೆ ಇಂದೇ ಅರ್ಜಿ ಹಾಕಿ!

ಇಂಡಿಯನ್ ನೇವಿ (ಭಾರತೀಯ ನೌಕಾಸೇನೆ) ತನ್ನ ಪ್ರತಿಷ್ಠಿತ 10+2 ಬಿ.ಟೆಕ್ ಕೆಡೆಟ್ ಎಂಟ್ರಿ ಸ್ಕೀಮ್ ಅಡಿಯಲ್ಲಿ ಖಾಯಂ ಕಮಿಷನ್ಡ್ ಆಫೀಸರ್ (Permanent Commissioned Officers) ಹುದ್ದೆಗಳ ಭರ್ತಿಗೆ ಅವಿವಾಹಿತ ಪುರುಷ ಮತ್ತು ಮಹಿಳಾ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಿದೆ. ಆಯ್ಕೆಯಾಗುವ ಅಭ್ಯರ್ಥಿಗಳು ಕೇರಳದ ಎಳಿಮಲಾದಲ್ಲಿರುವ ಪ್ರತಿಷ್ಠಿತ ಇಂಡಿಯನ್ ನೇವಲ್ ಅಕಾಡೆಮಿಯಲ್ಲಿ (INA) 4 ವರ್ಷಗಳ ಉಚಿತ ಬಿ.ಟೆಕ್ ಕೋರ್ಸ್ ಮುಗಿಸಿ, ಭಾರತೀಯ ನೌಕಾಸೇನೆಯ ತಾಂತ್ರಿಕ ವಿಭಾಗಗಳಲ್ಲಿ ಉನ್ನತ ಅಧಿಕಾರಿಗಳಾಗಿ ದೇಶ ಸೇವೆ ಮಾಡಲು ಇದು ಸುವರ್ಣಾವಕಾಶವಾಗಿದೆ.

ಶೈಕ್ಷಣಿಕ ಅರ್ಹತೆ ಏನಿರಬೇಕು?

ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಮಾನ್ಯತೆ ಪಡೆದ ಮಂಡಳಿಯಿಂದ 10+2 (ಪಿಯುಸಿ) ಅಥವಾ ತತ್ಸಮಾನ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿರಬೇಕು. ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಗಣಿತ (PCM) ವಿಷಯಗಳಲ್ಲಿ ಒಟ್ಟಾರೆಯಾಗಿ ಕನಿಷ್ಠ ಶೇ. 70 ರಷ್ಟು ಅಂಕಗಳನ್ನು ಪಡೆದಿರಬೇಕು. ಇದರೊಂದಿಗೆ, 10 ನೇ ತರಗತಿ ಅಥವಾ 12 ನೇ ತರಗತಿಯಲ್ಲಿ ಇಂಗ್ಲಿಷ್ ವಿಷಯದಲ್ಲಿ ಕನಿಷ್ಠ ಶೇ. 50 ರಷ್ಟು ಅಂಕಗಳನ್ನು ಗಳಿಸಿರುವುದು ಕಡ್ಡಾಯವಾಗಿದೆ.

ONLINE APPLICATION WINDOW

ಆಯ್ಕೆ ಪ್ರಕ್ರಿಯೆ ಹೇಗೆ ನಡೆಯುತ್ತದೆ?

ಜೆಇಇ ಮೇನ್ (JEE Main) 2026 ಪರೀಕ್ಷೆಗೆ ಹಾಜರಾಗಿರುವ ಅಭ್ಯರ್ಥಿಗಳು ಮಾತ್ರ ಈ ಹುದ್ದೆಗಳಿಗೆ ಅರ್ಹರಾಗಿರುತ್ತಾರೆ. ನ್ಯಾಷನಲ್ ಟೆಸ್ಟಿಂಗ್ ಏಜೆನ್ಸಿ (NTA) ಪ್ರಕಟಿಸುವ ಜೆಇಇ ಮೇನ್ 2026 ರ ಆಲ್ ಇಂಡಿಯಾ ಕಾಮನ್ ರಾಂಕ್ ಲಿಸ್ಟ್ (CRL) ಆಧಾರದ ಮೇಲೆ ಅಭ್ಯರ್ಥಿಗಳನ್ನು ಶಾರ್ಟ್‌ಲಿಸ್ಟ್ ಮಾಡಿ, ಸರ್ವಿಸ್ ಸೆಲೆಕ್ಷನ್ ಬೋರ್ಡ್ (SSB) ಸಂದರ್ಶನಕ್ಕೆ ಕರೆಯಲಾಗುವುದು.

ವೈದ್ಯಕೀಯ ಮಾನದಂಡಗಳು

SSB ಯಿಂದ ಶಿಫಾರಸು ಮಾಡಲ್ಪಟ್ಟ ಎಲ್ಲಾ ಅಭ್ಯರ್ಥಿಗಳು 10+2 (ಬಿ.ಟೆಕ್) ಪ್ರವೇಶಾತಿಗೆ ಅನ್ವಯವಾಗುವ ಕಟ್ಟುನಿಟ್ಟಾದ ವೈದ್ಯಕೀಯ ಪರೀಕ್ಷೆಗೆ ಒಳಗಾಗಬೇಕಾಗುತ್ತದೆ. ಆದರೆ, ಎನ್‌ಡಿಎ ಅಥವಾ ಐಎನ್‌ಎ (NDA/INA Jan 27) ಬ್ಯಾಚ್‌ಗೆ ಈಗಾಗಲೇ ವೈದ್ಯಕೀಯವಾಗಿ ಫಿಟ್ ಎಂದು ಘೋಷಿಸಲ್ಪಟ್ಟ ಅಭ್ಯರ್ಥಿಗಳಿಗೆ ಮತ್ತೊಮ್ಮೆ ವೈದ್ಯಕೀಯ ಪರೀಕ್ಷೆ ಇರುವುದಿಲ್ಲ.

ವೈದ್ಯಕೀಯ ಮಾನದಂಡಗಳಲ್ಲಿ ಯಾವುದೇ ಕಾರಣಕ್ಕೂ ಯಾವುದೇ ರೀತಿಯ ಸಡಿಲಿಕೆ ಇರುವುದಿಲ್ಲ. ತೂಕ, ಎತ್ತರ ಮತ್ತು ಹಚ್ಚೆ (Tattoo) ಕುರಿತಾದ ಸಂಪೂರ್ಣ ಮಾರ್ಗಸೂಚಿಗಳು ಭಾರತೀಯ ನೌಕಾಸೇನೆಯ ಅಧಿಕೃತ ವೆಬ್‌ಸೈಟ್‌ನಲ್ಲಿ www.joinindiannavy.gov.in. ಲಭ್ಯವಿವೆ. ಯಾವುದೇ ಸಂದರ್ಭದಲ್ಲೂ ವೈದ್ಯಕೀಯ ಆಸ್ಪತ್ರೆ ಅಥವಾ ಕೇಂದ್ರದ ಬದಲಾವಣೆಗೆ ಅವಕಾಶವಿರುವುದಿಲ್ಲ.

ಇತ್ತೀಚಿನ ಲೇಖನಕ್ಕಾಗಿ ಇಲ್ಲಿ ಕ್ಲಿಕ್ ಮಾಡಿ:

ಬೆಂಗಳೂರು ಮಹಾನಗರದಲ್ಲಿ ಪೋಲಿಯೋ ಅಭಿಯಾನ: 11.34 ಲಕ್ಷ ಮಕ್ಕಳ ರಕ್ಷಣೆಗೆ ಜಿಬಿಎ ವತಿಯಿಂದ ವ್ಯಾಪಕ ಪೋಲಿಯೋ ಜಾಗೃತಿ.