ಬೆಂಗಳೂರಿಗರೇ ಗಮನಿಸಿ: ಜುಲೈ 4 ಮತ್ತು 5 ರಂದು ನಗರದ ಪ್ರಮುಖ ಪ್ರದೇಶಗಳಲ್ಲಿ 6 ಗಂಟೆಗೂ ಹೆಚ್ಚು ಕಾಲ ಕರೆಂಟ್ ಕಟ್!

ಬೆಂಗಳೂರು: ರಾಜಧಾನಿ ಬೆಂಗಳೂರಿನ ಸಾರ್ವಜನಿಕರೇ ಗಮನಿಸಿ, ನೀವೇನಾದರೂ ವಾರಾಂತ್ಯದ ದಿನಗಳಲ್ಲಿ ಪ್ರಮುಖ ಕೆಲಸಗಳನ್ನು ಯೋಜಿಸುತ್ತಿದ್ದರೆ ನಿಮಗೊಂದು ಪ್ರಮುಖ ಸುದ್ದಿ ಇಲ್ಲಿದೆ. ಕರ್ನಾಟಕ ಪ್ರಸರಣ ನಿಗಮ ನಿಯಮಿತ (KPTCL) ವತಿಯಿಂದ ಹಮ್ಮಿಕೊಳ್ಳಲಾಗಿರುವ ತುರ್ತು ಸಾಪ್ತಾಹಿಕ ಹಾಗೂ ತ್ರೈಮಾಸಿಕ ನಿರ್ವಹಣಾ ಕಾಮಗಾರಿಗಳ ಹಿನ್ನೆಲೆಯಲ್ಲಿ ಜುಲೈ 4 ಮತ್ತು ಜುಲೈ 5 ರಂದು ಬೆಂಗಳೂರಿನ ಹಲವು ಪ್ರಮುಖ ವಸತಿ ಮತ್ತು ವಾಣಿಜ್ಯ ಪ್ರದೇಶಗಳಲ್ಲಿ ದೀರ್ಘಕಾಲ ವಿದ್ಯುತ್ ಪೂರೈಕೆಯಲ್ಲಿ (Power Outage) ವ್ಯತ್ಯಯ ಉಂಟಾಗಲಿದೆ ಎಂದು ಬೆಂಗಳೂರು ವಿದ್ಯುತ್ ಸರಬರಾಜು ಕಂಪನಿ (BESCOM) ಪ್ರಕಟಣೆಯಲ್ಲಿ ತಿಳಿಸಿದೆ.

ಮಳೆಗಾಲದ ಅವಧಿಯಲ್ಲಿ ಯಾವುದೇ ಅಡಚಣೆಯಿಲ್ಲದೆ ವಿದ್ಯುತ್ ಜಾಲವನ್ನು ಸುಸ್ಥಿತಿಯಲ್ಲಿಡಲು ಈ ತುರ್ತು ದುರಸ್ತಿ ಮತ್ತು ಮೇಲ್ದರ್ಜೆಗೇರಿಸುವ ಕಾರ್ಯ ಅನಿವಾರ್ಯವಾಗಿದೆ ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ನಿಮ್ಮ ಏರಿಯಾಗಳಲ್ಲಿ ಯಾವ ಸಮಯದಲ್ಲಿ ವಿದ್ಯುತ್ ಕಡಿತವಾಗಲಿದೆ ಎಂಬ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಜುಲೈ 4 ರಂದು ಎಲ್ಲೆಲ್ಲಿ ವಿದ್ಯುತ್ ವ್ಯತ್ಯಯ? (ಸಮಯ: ಬೆಳಗ್ಗೆ 11 ರಿಂದ ಸಂಜೆ 5 ರವರೆಗೆ)

ಶನಿವಾರದಂದು ಕೆಪಿಟಿಸಿಎಲ್‌ನ 66/11 ಕೆವಿ ಶೋಭಾ ಸಿಟಿ ಉಪಕೇಂದ್ರದಲ್ಲಿ ತುರ್ತು ಕಾಮಗಾರಿ ನಡೆಯಲಿದ್ದು, ಈ ಕೆಳಗಿನ ಸುತ್ತಮುತ್ತಲಿನ ಪ್ರದೇಶಗಳು ಬಾಧಿತಗೊಳ್ಳಲಿವೆ:

ಶೋಭಾ ಸಿಟಿ (Sobha City)
ಆರ್. ಕೆ. ಹೆಗಡೆ ನಗರ (RK Hegde Nagar)
ಕೋಗಿಲು (Kogilu)
ಬೆಳ್ಳಹಳ್ಳಿ (Bellahalli)
ತಿರುಮೇನಹಳ್ಳಿ (Thirumenahalli)
ಚೊಕ್ಕನಹಳ್ಳಿ (Chokkanahalli)
ಮತ್ತು ಇವುಗಳ ಸುತ್ತಮುತ್ತಲಿನ ವಸತಿ ಪ್ರದೇಶಗಳು.

ಜುಲೈ 5 ರಂದು ಎಲ್ಲೆಲ್ಲಿ ಕರೆಂಟ್ ಇರಲ್ಲ? (ಸಮಯ: ಬೆಳಗ್ಗೆ 10 ರಿಂದ ಸಂಜೆ 5 ರವರೆಗೆ)

ಭಾನುವಾರ ಕಂಠೀರವ ಹಾಗೂ ಆರ್‌ಬಿಐ ಉಪಕೇಂದ್ರದ ವ್ಯಾಪ್ತಿಯಲ್ಲಿ ಕೇಂದ್ರ ಭಾಗದ ಪ್ರಮುಖ ಕಚೇರಿ ಹಾಗೂ ವಾಣಿಜ್ಯ ವಲಯಗಳಲ್ಲಿ ತಾಂತ್ರಿಕ ಕೆಲಸಗಳು ನಡೆಯಲಿವೆ. ಹೀಗಾಗಿ ಈ ಪ್ರದೇಶಗಳಲ್ಲಿ ವಿದ್ಯುತ್ ಕೈಕೊಡಲಿದೆ:

ಕಬ್ಬನ್‌ಪೇಟೆ (Cubbonpet)
ನೃಪತುಂಗ ರಸ್ತೆ (Nrupathunga Road)
ಯುವಿಸಿಇ (UVCE) ಮತ್ತು ಕೃಷಿ ಕಚೇರಿ ಸುತ್ತಮುತ್ತ
ಕೆ. ಜಿ. ರಸ್ತೆ (KG Road)
ಎಸ್. ಪಿ. ರಸ್ತೆ (SP Road)
ಎಸ್. ಜೆ. ಪಿ. ರಸ್ತೆ (SJP Road)
ಓ. ಟಿ. ಸಿ. ರಸ್ತೆ (OTC Road)
ಆರ್ ಬಿ ಐ (RBI) ಮತ್ತು ಸುತ್ತಮುತ್ತಲಿನ ಸರ್ಕಾರಿ ಹಾಗೂ ವಾಣಿಜ್ಯ ಲೇಔಟ್‌ಗಳು.

ಬೆಸ್ಕಾಂ ಜಾಗೃತಿ ಸೂಚನೆ: ವಿದ್ಯುತ್ ಕಡಿತಗೊಳ್ಳುವ ಮುನ್ನವೇ ಸಾರ್ವಜನಿಕರು ಮನೆಯ ವಾಟರ್ ಪಂಪ್‌ಗಳನ್ನು ಆನ್ ಮಾಡಿ ನೀರು ಸಂಗ್ರಹಿಸಿಕೊಳ್ಳಲು ಹಾಗೂ ಅಪಾರ್ಟ್‌ಮೆಂಟ್‌ಗಳಲ್ಲಿ ಲಿಫ್ಟ್ ಬ್ಯಾಕ್‌ಅಪ್ ವ್ಯವಸ್ಥೆಯನ್ನು ಪರಿಶೀಲಿಸಿಕೊಳ್ಳಲು ಕೋರಲಾಗಿದೆ.

ಇತ್ತೀಚಿನ ಲೇಖನಕ್ಕಾಗಿ ಇಲ್ಲಿ ಕ್ಲಿಕ್ ಮಾಡಿ:

ವಿವಾದಕ್ಕೆ ಕಾರಣವಾದ ಗೃಹ ಜ್ಯೋತಿ ‘ಜಾತಿ’ ಸಮೀಕ್ಷೆ: ಸಾರ್ವಜನಿಕರ ಆಕ್ರೋಶಕ್ಕೆ ಮಣಿದ ಸರ್ಕಾರ; ಬೆಸ್ಕಾಂನಿಂದ ಬಿಗ್ ಯು-ಟರ್ನ್ ಆದೇಶ.